Les femmes mortelles

Les femmes mortelles eru loksins komnar á netið!!!

mánudagur, nóvember 29, 2004

Bridget Jones

Takk fyrir afmæliskveðjurnar steplur, það var svo klikkað að gera hjá mér á föstudaginn að ég náði aldrei að þakka fyrir mig.
Annars var rosalega gaman á laugardaginn og ég vil þakka öllum sem sáu sér fært að mæta. Gunnhildur, þú gleymdir bæði bjórnum þínum og rauðvínsflöskunni hjá mér!

Ég er annars að skrifa núna til að stinga upp á ferð á Bridget Jones í vikunni. Hver kemst og hvenær hentar ykkur best? Mér hentar best þriðjudagur, miðvikudagur eða fimmtudagur en gæti svosem komist á einhverjum öðrum tíma. Kommentið endilega eins og brjálæðingar svo við getum drifið okkur á þessa mynd, búin að heyra mjög góða hluti um hana.

föstudagur, nóvember 26, 2004

Tilhamingu með afmælið skvísur:)
Vonandi eigi þið bæði góðan og skemmtilegan dag.
Ammælisknúsar Gréta
Tilhamingu með afmælið skvísur:)
Vonandi eigi þið bæði góðan og skemmtilegan dag.
Ammælisknúsar Gréta

Ammæli

Til hamingju með afmælið Elísabet og Gunnhildur :o) Loksins orðnar 24. ára ;o)tihihih njótið dagsins :o) og munið: AÐ passa ykkur á pósthúsunum!!!

miðvikudagur, nóvember 24, 2004

Lítill strákur :o)

Jæja bumbubúinn loksins kominn í heiminn. Þetta var lítill strákur og hann kom í heiminn um 17:30 :o)))))))))))))))))))))))))))))) TIL HAMINJGU ELÍN OG JÓN

Laugardagurinn 27. nóv.

Sælar,
Ég var að velta því fyrir mér hvort ykkur langaði að kíkja í heimsókn á Tjarnargötuna, kjallarann, á laugardagskvöldið. Þetta mundi bara vera kasúal og þið þurfið alls ekkert að vera að koma með gjafir (nema þú Gunnhildur af því að ég er að fara að gefa þér pakka;). Það mundi að sjálfsögðu vera drengir með, ef þeim langar að koma, og ég er svona að spá hvort fólk er í djamm hugleiðingum eða hvort þið eruð meira á rólegu nótunum.
Það væri ágætt að fá að heyra hverjir komast.

hæ hæ og hó

ég legg þá til að þeir sem komast ekki 18. des komi með annan dag sem hentar þeim betur

mánudagur, nóvember 22, 2004

Takk fyrir laugardagskvöldið. Leitt að Gunnhildur, Edda og Elín skuli ekki hafa komist. Við vorum meðal annars að reyna að plana desember hittinginn... verðum að fara að ákveða alles. Stefnan er tekin á laugardaginn 18. des. Hverjir eru lausir þá???
Gréta

föstudagur, nóvember 19, 2004

hvað er Edda að vinna lengi á laugardag?

Hittingur

Hæ. Ég var að spá að ef þetta gengur ekki upp núna á laugardagskvöldið (sem væri mjög leiðinlegt og ég vil helst ekki að gerist) hvort við ættum þá að reyna að skipuleggja eitthvað jóla dæmi, eina kvöldstund eða svo. Gréta kom einhverntímann með hugmynd af litlu jólum. Það væri til dæmis hægt að koma með smákökur (ef maður er búinn að baka, annars bara nammi), litla pakka og eitthvað skemmtilegt til að föndra. Svo gætum við fengið okkur smá rauðvín (eða annan drykk að eigin vali) og hlustað á jólalög og haft það náðugt saman. Hvernig lýst ykkur á þetta? Svo er náttúrulega djamm eftir próf. Ég var bara svona að spá annars.
Svo var ég að velta því fyrir mér hvort næsti laugardagur væri laus hjá ykkur. Bara fyrir eitthvað rólegt jafnvel þetta jóladæmi.
Látið endilega í ykkur heyra.

fimmtudagur, nóvember 18, 2004

To spil or not to spil ? ;o/

jæja stúlkur hvað segiði... er spilakvöldið enn á stefnuskránni á laugardagskvöldið?... ég veit að Gunnihldur er lasin þannig að ég efast um að hún geti boðið til sín... endilega látið mig vita... þá getur maður skráð þetta hjá sér í dagbókarskipulagið ;o)...

mánudagur, nóvember 15, 2004

Des Tjútt

Hæps erum hér í skýrsluvinnu uppi í skóla. Erum til í spilakvöld en ágætt væri ef einhver sem er ekki í skóla gæti tekið það að sér svo þeir sem eru undir lærdómspressu geta stungið af án þess að hinir sem eru í helgarfríi þurfi að fara heim.
Varaðandi desember dæmið þá sá ég fyrir mér að ef við færum út að borða (sem við höfum ekki gert í herrans tíð... ef bara einhvern tíman eftir árshátíðina í 10. bekk he he....) myndi það auðvelda hlutina þannig að það þyrfti hvorki að versla neitt né sá sem myndi halda það sjá um hreingerningar daginn eftir í stað þess að vera í jólastússi.
Skulum bara hafa atkvæðagreiðslu á laugardag og slá öllu á fast.
Kveðja Gréta

Varðandi spilakvöldið???

Hæhæ kvendi... hvað segiði... verður spilakvöld næstu helgi ?

föstudagur, nóvember 12, 2004

jæja...

já bústaðarferð... er ekki spurning að fara kannski frekar þá í svoleiðis geim í janúar eða febrúar þegar það verður aðeins minna að gera í skólanum hjá okkur skólanördunum... ég er geim í fjöldaferð á Bridget... og í sambandi við desember tjúttið ... hvað segiði um það að elda frekar saman og kíkja svo út eitthvað... það er geggjað sniðugt... oftar en ekki eru flest öll veitingahús með jólahlaðborð í desember og það er getur oft orðið frekar dýrt... og persónulega held ég að það gæti verið skemmtilegra að elda saman og borða í heimahúsi ;o)))) hvað segiði um það .... ykkur lýst kannski ekkert á það... jæja það kemur í ljós...

Desember hittingur

Sælar stúlkur sú hugmynd kom upp að við myndum hafa almennilegt stelpudjamm í desember í stað þess að hittast á kaffihúsi. Við gætum farið út að borða og kíkt svo á einhverja staði um kvöldið í jólastemmningunni. Hvað segiði um það? Ég held það væri stuð!
Ég er laus frá 17. des
Komment óskast :)

Helgin, blessaða helgin.

Jæja stelpur, á að gera eitthvað skemmtilegt um helgina? Ég er svosem ekki alveg búin að ákveða mig, spurning hvort maður nenni eitthvað útá lífið í þessum snjó og kulda en það er samt aldrei að vita. Hver er annars til í hópferð á Bridget Jones's Diary þegar hún kemur út (er það ekki um næstu helgi??)?
Erum við ekki annars allar "on" fyrir næsta laugardag? Gunnhildur, ætlum við að vera heima hjá þér?
Svo er eitt í viðbót sem ég er að spá. Mig langar svona að athuga hvort það sé áhugi fyrir því að kíkja í sumarbústað yfir eina nótt þarna um afmælishelgina okkar Gunnhildar. Ég er ekkert búin að athuga hvort ég get einusinni fengið sumarbústað en langaði að athuga svona fyrst hvort það væri einhver áhugi fyrir hendi þar sem ég veit að þið eruð margar að fara að byrja í prófum og svona.
Kommentið endilega og látið mig vita.

miðvikudagur, nóvember 10, 2004

Verkfallið og bumbubúi?

Jájá mikið rétt fékk að fara þennan eina dag í vettvangsnám... náði að læra nöfnin og alles hjá krökkunum... og þau alveg 26 kríli... en samt eru þetta eiginlega 46 kríli vegna þess að þetta er teymisvinna... þar sem tveimur bekkjum er kennt saman ;o)... mér lýst þokkalega vel á skólann og bekkina :o) en jájá allt í ruglinu út af verkfallinu enda sögðum við bara við kennarann þegar við kvöddum hann... sjáumst í janúar á nýju ári... því að jú við þurfum að taka þetta fyrstu vikurnar á næstu önn... janúar og fyrstu vikun í feb... annars verður fundur um þetta á morgun í skólanum...
Annars ég talaði við bumbubúann í gær og jú mikið rétt mömmu hans líka ;o))) hún var víst líka stödd þarna... skrítið ;o)))... en annars múttan búin að vera mjög slöpp síðan á fös. og heilsan eiginlega bara mjög slæm... en settið var farið að hafa áhyggjur af bumbubúanum sínum... og múttes og búinn kíktu því saman í gær á hospitalen... og eftir 3 klst. tékk og skoðanir...þá var allt í lagi með alla sem betur fer... bara flensa á ferðinni... en annars sagði fæðingarlæknirinn líka frá því að leghálsinn væri byrjaður að undirbúa komu bumbubúans... því má segja að þetta sé alveg að fara að gerast ;o))))) jafnvel bara á næstu dögum...hihihih allavega fljótlega :o))))
Vá! Skólinn er alveg að gera mig bilaða. Var að byrja í verknámi í gær á taugalækningadeild í Fossvogi og verð þar næstu 3 vikurnar. Mjög gaman en einum of mikið af verkefnum sem á að skila þessum blessuðu kennurum.....
Edda, er verknámið þitt ekki alveg farið í klúður út af verkfallinu? Fékkstu kanski að fara þennan eina dag eftir allt saman?
Hvað er svo að frétta af bumubúanum? Ætlar hann ekki að fara að láta sjá sig bráðlega:)


fimmtudagur, nóvember 04, 2004

Fundargerð

Fundur var í gær hjá okkur dauðlegu konunum (!) á Kaffi París. Þar sem að einn meðlimur komst ekki fannst mér ekki nema rétt að birta hérna smá fundargerð (og líka þar sem mér leiðist í vinnunni).
Málefni sem voru á dagskrá voru meðal annars þessi:
Trúlofanir og brúðkaup (þá aðallega Grétu en talið barst að mörgum brúðkaupum og muninum á þeim).
Barneignir (þá aðallega Elínar en fleiri börn bárust í tal).
Dauðinn. Hvað gerist með skuldir manns þegar hann deyr, fyrnast þær eða falla yfir á fjölskyldumeðlimi. Er því hagstætt að maxa sig út hjá LÍN þar sem maður á aldrei eftir að borga skuldina?
Nám; meira nám mitt, Eddu og Gunnhildar. Hvert skal halda?
Yngri bræður, hvað er eðlilegt?
Hugsanlegt afmælisdjamm þann 27. nóvember.
Jólin og jólagjafir. Eigum við eða eigum við ekki? Engar ákvarðanir voru teknar en atkvæðin stóðu einhvernveginn þannig:
með: 2
á móti eða óákveðnir: 3
Spilakvöld var ákveðið þann 20. nóvember og skildi halda annaðhvort heima hjá Gunnhildi eða Ingu (með góðfúslegu leyfi hennar).
Einnig barst djamm í desember eftir jólapróf í tal en ekkert var ákveðið með það.
Ýmist var einnig slúðrað en í þágu velsæmis skal það ekki birt hér.

miðvikudagur, nóvember 03, 2004

Tunglið

Jæja Bettý ég setti inn myndina af tunglinu hérna til hliðar... vona að þetta sé rétt mynd sniðugt... líka þá vitum við alltaf hvenær það er fullt tungl ;o)

Próf próf próf

Ég rakst á þetta sérdeilis áhugaverða próf um daginn. Skiptir ekki máli að ég þurfti að taka það nokkrum sinnum til að fá þá niðurstöðu sem ég vildi.
Það eina sem skiptir máli er að ég er flotti, sexý Michael Jackson sem er ennþá svartur og ekki svona mikið frík.


þriðjudagur, nóvember 02, 2004

One Tree Hill

Hahahhahha mér fannst þetta svo fyndið að ég varð að taka þetta próf líka... Gunnhildur mér varð eitthvað hugsað til þín þegar ég fann þetta :o))))))))))))))

What Teen On ONE TREE HILL Are You Like Most? One Tree Hill is one of the best TV shows on today. I admit, I am an addict. I love the show and have grown attached to all the characters. I even have my mother tuning in every Tuesday. Sadly however, no new episodes will air until April so I must take all my OTH energy and put it to some other use. So what does that mean? A new quiz of course :D (frá höfundi prófsins)

hailey
Haley

You are Haley (tutor girl!) You're a
sweet-hearted, sensitive girly-girl. You are
highly intelligent, always keeping your feet on
the ground and are not easily fooled or
impressed by the shallow and fake people around
you. You are sweet and sensitive and always try
doing the right thing and you're always willing
to help others and you strongly believe in
forgiving and forgetting.

What Teen On ONE TREE HILL Are You Like Most?
brought to you by Quizilla



þetta er ekki alveg að virka... á ekki alveg við mig!!!eins og maður hafi ekket betra við tímann að gera en að hanga í þessu ;o)

"What Gilmore Girl's character are you?" - Results:

Rory
Rory


What Gilmore Girl's character are you?
brought to you by Quizilla


endilega prófa svo stelpur ;o)

Kaffihúsaferðin

Sælar stúlku... KAFFIHÚSAFERÐ á morgun... annað kvöld ??? Ég var að tala við Betu og við töluðum um að hittast kl.20.00 á París eða á Nýja Kaffishúsinu á Laugarveginum hjá gleraugnabúðinni...því að þar eru reyklaus svæði og það hentar okkur öllum vel og þá sérstaklega Ellu gellu og bumbubúanum :o) Hvað segiðiði er ekki stemmari???

mánudagur, nóvember 01, 2004

tjekk this...

Fékk þetta skemmtilega próf sent....ég fékk 285...þori að veðja að Elísabet nái langmestu af okkur öllum! He, he :)

http://www.rocketreader.com/demo/flashDemo.html

Alt í einu kominn nóvember.....

og Betty bara farin að elda... maður bíður spenntur eftir að heyra hvað daman bauð upp á. Voru það nokkuð eldsteiktir borgarar;)
Ég var bara að stússat í lærdóm alla helgina en tók mér þó pásu á laugardagskvöldið og skellti mér með unnusta mínum :) í bíó á Blindsker, heimildarmyndina með Bubba.
Hún var bara nokkuð athyglisverð en samt dáldið skrýtin á köflum.
Hlakka til að hitta ykkur á miðvikudag


Já helgin...

Sælar.
Það sem ég gerði um helgina var meðal annars að fara í brúðkaup. Alveg dæmalaust hvað þessi vinir Davíðs eru duglegir að gifta sig. Það var bara gaman. Svo horfði ég á Idol heima hjá Degi og Auði, vinum Davíðs. Rétt upp hönd sem er orðinn leiður á þessum áheyrendaprufuþáttum! Mikið óskaplega eru þeir að teygja lopann þarna. Ég eldaði líka í fyrsta sinn fyrir Davíð þetta kvöld:) Er ég ekki dugleg? Eftir bara tíu og hálfan mánuð á sama landinu!
Edda, ein spurning til þín sem vefstjóra: er hægt að fá svona teljara á síðuna svo við vitum hversu vinsælar við erum?